West Ham an tla ta

Premier League club hlun West Ham United chuan season tharah Championship an khelh a ngai dawn. Hammers hian Leeds United chu 3-0 in an hneh a, mahse, Tottenham Hotspur an chak ve tho avangin EPL-ah an inhamtang thei ta lo.

Hammers tan Taty Castellano, Jarrod Bowen leh Callum Wilson ten goal khat ṭheuh an khung a, Leeds United-in a chhanletna tur an neih loh avangin Hammers an tla zui.

West Ham hian kum thum liam ta mai khan Europa Conference League-ah champion nomawi an chawi a, kum 43 hnua nomawi an chawi leh hmasak ber a ni. Mahse, he team hian ropui ve tawka inngaiin, champion puitu coach David Moyes chu a contract a hman zawh hnuah an chelh duh lo a, tunah chuan Championship lamah an tla ta.

Hammers hian 2011-12 season hnua a vawi khat nan Championship an khel dawn tihna a ni a, Premier League-a kum 14 zet hun an lo hman tawh chu a tawp ta - coach Nuno Espirito Santo hma hun a chiang lo lehzual.