British no. 1 Raducanu a tla nghal

French Open-ah British chhuanvawr Emma Raducanu chuan Argentina star Solana Sierra chu 6-0, 7-6 (7-4) a hneh loin a tla nghal. Inkhel hi minute 25 chhung chauh khelh a ni a, Raducanu hian set hmasa berah game khatmah a la lo.

Sierra hi world number 68-na chauh a ni a, mah se clay court hi a thiamna a ni thung. Raducanu erawh damlohna avangin thla hnih chuang a chawl a, French Open hmain Strasbourg Open chauh khelin match hmasa berah a chak lo nghal.

First set-ah hian Raducanu hian unforced error vawi 15 zet a nei a, winner vawi khatmah a nei lo. British no. 1 tan Wimbledon atana inpuahchahna neih nghal a ṭul dawn a, Sierra erawhin second round-ah seeded 13-na Jasmine Paolini leh Ukrainian player Dayana Yastremska chak zawk a hmachhawn ang .

Vawiin hian hmeichhe seeded no. 1 Aryna Sabalenka a inlan dawn a, Spanish player Jessica Bouzas Maneiro a hmachhawn ang. Pathianni khan seeded no. 8 Mirra Andreeva-i'n a match hmasa berah Fiona Ferro chu 6-3, 6-3 in an hneh.