Mizoram basketball-in level 1 an kai

76th Junior National Championship 2026-ah Mizoram team an che ṭha a, level 2 aṭangin level 1-ah an inhlangkai. Inelna hi Puducherry, Tamil Nadu-ah neih a ni.

Mizoram hi Andaman & Nicobar Islands, Jammu & Kashmir, Jharkhand leh West Bengal te nen group khatah an awm. May 22, Zirtawpni khan Mizoramin Andaman & Nicobar Islands 103-9 a sawpin bul an ṭan a, Inrinniah J&K lakah 67-45 in hnehna an chang leh bawk.

May 24, Pathianiah Mizoramin team ṭha Jharkhand 91-88 in an hneh a, match tawp berah West Bengal lakah 74-72 lakah vanduai mah se an khingpui dangte an hneh vek avangin pool champion an ni ta tho.

Nimin khan Level 1 kai theihna qualifying knockout an khel a, Mizoram hian Chhattisgarh 80-74 in an hneh a, nakkum aṭangin level 1 an khel tawh ang. Tun ṭumah hian Mount Carmel School, Aizawl ten Mizoram ai an awh a ni.