Inkhel turin kan inpeih - Edmund

Indian Super League khelh zawh taka player langsar, East Bengal champion theih nana thawhhlawk tak, Edmund Lalrindika chuan Unity Cup khel tura an inpeih tawh thu Vanglaini a hrilh.

Edmund chuan, "A phurawm duh khawp mai. Kan khingpui turte hmachhawn an awlsam dawn lo tih a chiang a, mahse, huaisen takin kan bei ang," a ti a, Unity Cup-ah a tikim tura kal an nih loh thu Vanglaini a hrilh.

Lunglei forward chuan, "English football khel sa pawh an awm nual avangin an zia viau ang tih a chiang a, mahse, kan huphurh bik lo. Player 18 chauh ni rih mah ila, training pawh ṭha takin kan nei thei e," a ti.

Edmund hi ISL khelh zawh takah khan league match 11 inlanin, goal li a khung a, assist vawi hnih a nei. India squad-ah hian Lallianzuala Chhangte nen awmin, LZA hian goal li tho a khung bawk.