Eliminator-a en bik tur Sooryavanshi

Indian Premier League eliminator round-ah zanin dar 7:30 hian Sunrisers Hyderabad leh Rajasthan Royals te an inkhel dawn. Kum 15 mi Vaibhav Sooryavanshi chu mipui mit fukna a ni thei ang.

Nizan khan qualifier 1-ah Royal Challengers Bengaluru leh Gujarat Titans te an inkhel a, result kan hre hman lo. Qualifier 1-a chak lo zawk leh eliminator round-a chak zawk hian final khel tur (qualifier 2) an zawng leh dawn.

Sunrisers Hyderabad leh Rajasthan Royals te hi ṭum hnih an inhmachhawn tawh a, Hyderabad an chak ve ve. April 13, 2026 khan Rajiv Gandhi Stadium, Hyderabad-ah Ishan Kishan-a'n run 91 a siam hmangin Sunrisers hian run 57-in hnehna an chang.

April 25, 2026 khan Jaipur-ah Rajasthan-in an mikhual ve thung a, run 228 zet siam mah se Sunrisers-in Ishan Kishan-a run 74 siam hmangin over 18.3-ah run 229 siamin wicket ngain an chak leh tho.

Mahse, hemi ṭum hian kum 15 mi Vaibhav Sooryavanshi chuan century (103) a siam a, zaninah pawh Bihar rawlthar hi en bik tur a ni dawn. Tun season-ah Sooryavanshi hian run 583 siam tawhin run siam tam lamah pangana a ni pha. Chutihrualin Sunrisers hian run 606 siam thei Heinrich Klaasen an kawl tih hriat a ṭha.