Schmeichel a chawl dawn

Leicester City keeper hlui Kasper Schmeichel chuan Nilaini zan khan, season tawpa a contract zawh hunah inkhelh a chawlhsan dawn tih a puang a, a inkhel lai hmuh tur a awm tawh dawn lo.

Kum 39 mi Schmeichel hi February khan, Stuttgart nen Europa League-a an inhmachhawn ṭumin a darah hliam a tuar a, Schmeichel-a hliam hi zai ni mah se ngai a awh thei meuh lo a, a kum a tam ve tawh avangin inkhelh chawlhsan a thlang zawk.

Danish keeper chuan, "June thlaa ka contract a zawh hunah football chu ka chawlhsan tawh dawn. Mithiam hrang hrangte ka rawn hnuah he thutlukna hi siam a ni. Hei hi inkhelh chawlhsan dan tur atana ka duh loh ber pawl a ni a, mahse kawng lehlamah chuan engkim hian tawp hun a neih a ngai," tiin a sawi.

Schmeichel hian Leicester tan Premier League leh FA Cup a chawi tawh a, Denmark tan match 120 a khel hman bawk. A career-ah club hrang hrang pariat tan a khel hman a, match 817 zet a inlan hman.