Real-ah Rudiger cham dawn

Nomawi chawi loa season khar Real Madrid chuan an defender Antonio Rudiger chu season khat dang an hnena khel turin an chelh dawn a, he thuziak i chhiar meuh chuan an inchelh fel tawh hial mai thei.

World Cup-a Germany tana inlan tur Rudiger hian Real-a a contract chu tun nipuiah hian a hmang zo tawh dawn a, mahse, tuna a lan dan chuan Santiago Bernabeu-ah kum khat dang chu a la khel leh dawn.

Real hian kum 30 chuang tawh player-te chu kum khat aia rei contract thar an ziahpui ngai lo a, hei vang hian kum 33 mi Rudiger pawh hian kum khat aia rei contract a ziak dawn lo.

Rudiger hian kum 2022 khan Chelsea aṭangin Real hi a zawm a, nomawi pariat chawipui tawhin, heng zingah hian La Liga leh Champions League chu a langsar a ni.

Real tan inelna hrang hrangah match 182 khela goal riat khung tawhin, tun season-ah match 26 a inlansak bawk. Khup leh malpui hliam vanga a buai avangin tun season-ah a inlan tam thei lo.

Spanish club hian Rudiger an chelh laiin, David Alaba leh Dani Carvajal te chu an contract zawh rualin an chhuah zalen dawn thung.