Norris-a'n Monaco GP-ah Ferrari a ring

McLaren driver Lando Norris chuan June 8-a Monaco Grand Prix tlan turah, Ferrari chu team hneh harsa ber tur an nih a ring a, Mercedes che ṭha mah se Ferrari aiin a dah hniam zawk.

Season kal mekah Mercedes chu an chungnung ber rih a, grand prix vawi nga tlan tawhah pole position lain, an la chak vek. Andrea Kimi Antonelli-a'n vawi li hnehna a chang tawh a, drivers’ championship-ah a teammate George Russell nen point 43 zetin an inthlau.

Mercedes-in season an bul ṭan ṭha hle mah se, Norris chuan Silver Arrows (Mercedes) hi Monaco-ah chuan chak turah a ngai lo a, McLaren driver hian kawng kawi muanga (low speed corner) Ferrari ṭhatna chu Mercedes-in an khum a ring lo.

Norris chuan, "Monaco hi nikum lamah pawh kan tan track nuam tak a lo ni tawh a, kuminah chuan an low speed performance avangin Ferrari an chak ka ring. Nikum khan hlawhtlinnna ka lo chang tawh a, inelna ka hmachhawn tawhah chuan nuam ka tih berte zinga mi a ni," a ti.

Thla 12 liam ta khan Norris hian Monaco-ah hnehna a lo chang tawh a, championship a la zui bawk. Canadian GP neih zawh takah McLaren-in beisei an pha lo a, Norris hi lap 40-naah a car gearbox lamah chiang lo a awm avangin a tlan chhunzawm thei lo. A teammate Oscar Piastri chu 10-na a ni bawk.

Norris-a'n point a hmuh loh avangin table-ah a tlahniam a, Hamilton-a'n lehpelin, a teammate Piastri chu parukna a ni bawk.