Vardy-a'n Cremonese chhuahsan dawn

Leicester City forward hlui Jamie Vardy chuan a khelh mekna, Serie A club Cremonese tan contract thar ziah a tum tawh lo a, tun nipuia a contract a zawh hunah a chhuak dawn.

Tun season Serie A khelh zawh takah hian Vardy hian Cremonese tan match 29 khelin, goal sarih leh assist pathum a nei a, mahse Italian club chhan nan a tawk lo a, Serie B-ah an relegate.

Kum 39 mi Vardy hian chawlh erawh a la tum mai lo a, Premier League leh Dutch club zingah duhtu a la nei. Hetmi avang hian Europe inelna sangah Vardy kan la hmuh a rinawm.

Premier League-ah Vardy hian Leicester tan match 500-ah goal 200 a khungsak a, Premier League leh FA Cup nomawi a chawipui - Leicester player ropui zinga chhiar tel a ni tawh dawn.

England tan pawh vawi 26 inlan hmanin goal sarih a khung hman a, Three Lions tan Euro 2016 leh World Cup 2018-ah khan a feh chhuak ve bawk. A kum tam ve deuh tawh mah se Vardy duhtu an la tam a, Scottish club lian Rangers leh Celtic bakah Saudi Pro League club hming pawh lam rik zingah an tel.