Tawnhriat ṭha tak a ni - Edmund

India-in Jamaica an ngam lo a, mahse, Blue Tigers forward Edmund Lalrindika chuan an tan tawnhriat ṭha tak a nih thu Vanglaini a hrilh.

Edmund chuan, "Tlarhnung ven kha ngaih pawimawh berah kan nei a, tlarhma lama nawr aiin tlarhnung ven kawngah hna ka thawk nasa zawk. Ka hna chu goal nawr a ni a, chumi ka tithei lo erawh a pawi ka ti.

"Hetihrual hian khingpui harsa tak hmachhawn a khât em em a, kan tan chuan Jamaica hmachhawn hi tawnhriat ṭha tak a ni," tiin Vanglaini a hrilh - hnehna chang zo lo mah se, a êng zawngin a thlir a, an tawnhriat neih chu lawmna turah a ngai.

Edmund chuan team pahnih inthlauhna sawiin, "Tharumah kan la khan lo deuh hlek a, chumi tih loh chu kan intluk tlang viauin ka hria. First half-ah defending ringawt kan buaipui a, second half-a kan nawr ngam chiah kha chuan an buai ve hle a ni," a ti a, huaisen hret an mamawh thu a sawi.