Kha aia huaisen tur kan ni - LZa

India-in Jamaica an ngam lo a, Lallianzuala Chhangte chuan an huaisen tawk lo chu pawi a tih thu Vanglaini a hrilh.

Mizo forward chuan, "A tirah kan bet lutuk a, kan goal chhuah dan a ho hret bawk. Kha ai khan huaisen hret ila chuan, tun aia result ṭha zawk hi kan nei ang," a ti.

Mumbai City captain chuan sawi zawmin, "Team kan inthlau hret tih erawh phat ka tum lo. Ram ṭha tum ṭhang an ni a, kan tawnhriat a inthlau deuh a ni. Decision making-ah kan tluk lo a, an game hrim hrim a puitling ka ti.

"Kan squad kan kim lo leh zel a, chu chu kan tuar bawk. Mimal tak pawhin, chak loh a, goal thun loh a, assist neih loh bawk hi chuan lawm a harsa a ni," a ti a, a khelh danah a lawm lo.