NBA-in Wemby an 'warning'

San Antonio Spurs player Victor Wembanyama chu Nilaini zinga Oklahoma City Thunder nen an inkhelh zawhah, chanchinbumite hmaah a inlan duh loh avangin NBA chuan Wemby hi warning an pe a, a inlan lo leh a nih chuan pawisa an chawitir dawn.

Nilaini zing inkhelah Spurs hian 127-114 in OKC an hneh lo a, best of seven series-ah 3-2 in a hnufual zawkah an ṭang. He inkhelah hian Wemby-a'n point 20 nei mah se beisei a pha lo a, team innghahna ber hi a khel a 'zawi' hle a, an chak loh hnuah chanchinbumite a hmachhawn duh lo zui.

NBA hian Jimmy Butler leh Dillon Brooks te chu 2023 khan a lo hrem tawh a, Dollar 25,000 an chawi ve ve. Wemby pawh hi heitanga hrem theih dinhmunah a din avangin inkhelh lai loh pawhin a fimkhur a ngai.

Spurs hian tukin zing khan OKC nen game 6-an khel a, an result kan hre hman lo. Spurs hi an chak lo leh a nih chuan OKC an champion tawh dawn a, champion tur leh NBA Finals lut turin an tlawm thiang tawh lo.