Spurs leh Robertson inrem hnai

Tottenham Hotspur chuan season tharah hlauthawng taka Premier League hman an tum tawh lo a, nipui transfer lamah mit len nghalin, Liverpool fullback Andy Robertson chu free transfer-a la lut turin, a thuphungin inremna an neihpui tawh.

Spurs hi season hman zawh takah khan Premier League aṭanga tla thei dinhmunah an ding hman a, league tawp niah an him hram - 'Big Six' zinga chhiar tel club tan chuan a chhe thlawt a, tawn nawn an tum tawh lo.

Kum 32 mi Robertson hian Reds-ah a contract a hmang zo tawh a, coach Arne Slot-a player duh zingah a tel loh avangin Liverpool hian a thlawnin an chhuahtir.

January-ah khan Spurs hian Robertson hi an lo dawr tawh a, club pahnih inrem tawh mah se, AS Roma-a loan-a khel mek, Kostas Tsimikas chu an koh kir theih loh avangin Liverpool hian an hralh phal leh ta lo a ni.

Liverpool tana nomawi chawi theih ang zawng zawng chawitu Robertson hian Reds tan match 378-ah goal 14 khungin, assist vawi 69 a nei a, World Cup-ah Scotland tan captain armband hrengin a inlan dawn bawk - a tawnhriat ringawt pawh Spurs tan a hlu ang.