Netherlands-ah Frimpong tan hmun a awm lo

World champion beisei zinga mi Netherlands chuan an squad an puang ve ta a, nipui transfer-a beiseina sang tak nena Liverpool zawmtu Jeremie Frimpong tan hmun a awm lo!

Bayer Leverkusen aṭanga Reds pantu fullback hian Liverpool tana a khelh chuan Netherlands squad-ah hmun chang ngei tur ang hialin a inngai mai thei. Mahse, Ronald Koeman-a'n Dutch team tana inlan turin a ṭha tawk loah a ngai.

Kum 25 mi Frimpong tan hmun awm lo mah se, Dutch player, Premier League-a khel player aṭangin player 15 ngawt Dutch squad-ah an tel a, defender pasarih thlanchhuah zinga paruk chu English top flight league-a khel an ni!

Frimpong-a'n Liverpool season hman chhiat a tuar tih dawnin, Reds tana a khelhpui, captain Virgil van Dijk, Ryan Gravenberch leh Cody Gakpo te erawh squad-ah hian an awm tho a, Gunners right back Jurrien Timber pawh hliam nei chungin koh a ni.

Netherlands tana vawi 15 inlan tawh Frimpong hian season hman zawh takah khan Liverpool tan inelna hrang hrangah match 35 khelin, goal hnih a khung a, assist vawi hnih a nei tel bawk.

Liverpool-a pan hnuah hliam vangin a talbuai fo a, beisei a phak lo bawk - heng vangte hian Ronald Koeman-a'n World Cup-a inlan turin a ṭha tawk loah a ngai a, koh a ni lo.