MISMA Fight Night-ah fight hmuhnawm

UFC champion Joshua Van-a hmaah ngei Mizo fighter-ten an theihna pholanna hun ṭha an nei dawn a, zanina inlan tur Mizo fighter-te vanneihna hi a sang hle.

Zanin fight-ah hian SPES MMA Academy, Mizoram fighter Lalnunsanga leh Genesis E4E MMA, Manipur lam fighter Thangsanglian te chu bantamweight professional bout-ah an inlan dawn a, hei hi main event tur a ni ang.

Co-main event-ah semi-professional bout a awm dawn a, bantamweight-ah vek SPES chhuak tho Lalnunmawia leh Sete Boxing Academy lam mi Lalruatmawia te an inhmachhawn dawn - hei pawh mit titlai a tling dawn.

Super lightweight-a semi pro fight-ah David Lalmalsawma, SPES leh Elite MMA Gym aiawh Zachariah Ramdinthara te an inhmachhawn dawn a, featherweight amateur bout-ah SPES fighter Lalramsangliana'n Khasi tlangval, Happy Red Rooster MMA, Meghalaya aṭanga lo kal Jeff Gary Diengdoh a hmachhawn dawn thung.