Record nei ṭha Swiatek a chak

French Open hmeichhe singles-a record nei ṭha ber zinga mi Iga Swiatek chuan nimin khan Magda Linette chu 6-4, 6-4 in a hneh. Tun ṭuma seeded no. 3 Swiatek hian French Open hi vawi li a champion tawh a, open era-ah amah aia record ṭha Chris Evert leh Steffi Graf te chauh an awm a, Justine Henin nen an champion zat a inang.

Swiatek hian 2020, 2022, 2023 leh 2024 khan nomawi a chawi a, nikum inelnaah Polish tennis star hian semifinal-ah seeded no. 1 Aryna Sabalenka a hneh lo. Chutihrualin inelna hnuhnung bera champion erawh Coco Gauff a ni a, tun ṭumah hian seeded no. 4 a ni thung.

Vawiin hian Sabalenka a inlan dawn a, Daria Kasatkina a hmachhawn dawn. Champion lai Gauff tan hmabak a hautak hret dawn a, seeded no. 28 Anastasia Potapova a hmachhawn ang.