Pathianni zan dar 7:30-ah IPL final

Indian Premier League vawi 19-na final chu May 31, Pathianni zan dar 7:30 hian Narendra Modi Stadium, Ahmedabad-ah khelh a ni dawn. Champion lai Royal Challengers Bengaluru-in Gujarat Titans leh Rajasthan Royals inkhela chak zawk an hmachhawn ang.

IPL-ah hian Mumbai Indians leh Chennai Super Kings te vawi nga ve ve an champion tawh a, tun ṭumah erawh knockout stage an thleng pha lo. RCB hian IPL final vawi nga an luhna a ni a, vawi khat chauh an la champion thung.

Royal Challengers hian final-a an hmachhawn theih Rajasthan Royals hi league round-ah an hneh a, Gujarat Titans hi league round-ah vawi hnih hmachhawnin vawi khat an chak a, a hnuhnung zawkah an chak lo. Chutihrualin qualifier 1-ah an chak thung.

Virat Kohli-a'n RCB tan run a siam tam ber a, tun inelnaah run 600 a siam tawh. Kohli hnuaiah hian captain Rajat Patidar (486) leh Devdutt Padikkal (463) te an awm. Bowling lamah Bhuvneshwar Kumar-a'n wicket 26 la tawhin RCB tan wicket a la hnem ber a ni.