Konate a chhuak dawn

Liverpool centre back Ibrahima Konate chuan free transfer-in Anfield a chhuahsan dawn a, French defender hi Reds nen contract thar chungchangah an inrem thei lo.

Arne Slot ban hlim Liverpool hian Mohamed Salah leh Andy Robertson te free transfer-in an chhuahtir dawn bawk a, tun nipuiah senior player pawimawh pathum ngawt an chhuah dawn avangin transfer lamah an buai khawp ang.

Kum 27 mi Konate hian kum 2021 khan RB Leipzig aṭangin Reds hi a zawm a, pound maktaduai 35 man niin, kum nga atan contract a ziak. April-ah khan Anfield-a a cham a inrin thu sawi mah se, an inrem thei ta lo.

Reds hian Virgil van Dijk leh Joe Gomez te chu centre back senior an neih an ni tawh a, mahse, kum 19 mi Giovanni Leoni leh Rennes aṭanga £60mtd-a an lei Jeremy Jacquet an neih avangin Konate chhuahtir hi an pawi ti lo niin a lang.