Billy Gilmour aiah Tyler tel dawn

Scotland midfielder Billy Gilmour a inhliam avangin a aiah Manchester United rawlthar Tyler Fletcher a tel dawn. Inrinni khan Scotland hian Curacao nen friendly match an khel a, Napoli midfielder Gilmour hi khup hliam vangin minute 41-naah lakchhuah a ni.

Kum 19 mi Tyler hi second half-ah luhtir a ni a, nimin khan Darren Fletcher-a fapa hi Scotland tana World Cup squad-a a tel tur thu an tichiang. Scotland hian Curacao hi 4-1 in an hneh a, inelna ṭan hmain Bolivia nen June 6, Zirtawpni zanah friendly match an khel leh ang.

Tyler hian Scotland tan U16, U17, U18, U19 leh U21 te a khel vek a, Curacao lakah a vawi khat nan ram tan a inlan. Scottish midfielder hian Manchester United senior team tan pawh ṭum hnih a inlan tawh a ni.