Australian Open atan Murray a chiang lo

Andy Murray chuan coronavirus a kai tih hmuhchhuah a ni a, season kal laia Grand Slam hmasa ber Australian Open atan a dinhmun a chiang lo chhunzawm nghal - a inlan dawn lo tih erawh sawi a la ni lo.

World number 1 hlui Murray hian a dinhmun a ṭhat thu leh natna lang chhuak a neih loh thu a sawi. Mahse an ram sorkar inkaihhruaina dan angin khung hran a ngai dawn a, atan tournament khelh a nghawng thei dawn.

Australian Open hi February 8 aṭangin khelh a ni dawn, inelna hmachhawn tur leh coaching staff mi 1240 velte chu tunkar tawpah hian Melboure Park lama zin lut tawh tura beisei an ni.

Inelna buatsaihtu lam chuan an ruahman angin Murray chu a zin luh ve theih loh tur thu an ti chhuak nghal a, chutihrualin atan kawng a ping nghal vek tihna erawh a la ni bik lo; endikna an neih leh hunah a fihlim a nih chuan Australia a pan thei ang.