Goal li khung thei Germany

Germany-in World Cup atana inpuahchahna inkhelah Finland 4-0 in an sawp. Mewa Arena, Mainz-a inkhelah Julian Nagelsmann-a hote tan Deniz Undav-a'n goal hnih a khung bakah talent nei ṭha pahnih Florian Wirtz leh Jamal Musiala ten goal khat ve ve an khung.

World Cup 2014-ah Germany hi champion mah se inelna hnuhnung pahnihah group stage an paltlang zo lo a, Nagelsmann hnuaiah team thar an din mek. Germany-in tun hnaiah striker ṭha a nei lo a, Champions League khelh vangin Kai Havertz khel thei lo mah se World Cup-a no. 9 chelh thei tur dang Undav-a'n goal hnih a khung hi Nagelsmann tan chanchin lawmawm a ni.

Finland an hneh ṭum hian kum 18 mi Lennart Karl, kum 22 mi Aleksandar Pavlovic leh kum 22 mi Nathaniel Brown te an khel ṭha a, inelna takah a rintlak ang em tih erawh hunin a rawn hril ang. Germany hi group E-ah Curacao, Ivory Coast leh Ecuador te nen an awm ho a ni.