MPL best keeper hlui Mala a thi

Mizoram goalkeeper hlui H. Malsawmdawngzela chu nimin khan kum 35 mi niin a thi a, vawiin chhun dar 12:00 hian a chenna Khawzawl Vengtharah vui liam a ni ang.

Mala hian Dinthar FC (1st Div), Luangmual (1st Division & MPL), Aizawl FC (MPL), Bethlehem Vengthlang (MPL) leh FC RS Annexe (MPL)-ah te a khel tawh a, Mizoram senior team tan kum 2010 khan Dr TAo Football Tournament-ah final luhpuiin best goalkeeper-ah an thlang.

MPL5-ah khan Mala hi Bethlehem Vengthlang tan khelin league round-ah pakhatna a nihpui bakah final a thlenpui a, BVT chet ṭhatna kawnga a thawhhlawk avangin best goalkeeper-ah thlan a ni.