Vawiinah French Open quarterfinal

French Open hmeichhe quarterfinal chu vawiin chawhnu hian khelh a ni dawn. Chawhnu dar 2:30 hian Court Philippe-Chatrier-ah seeded no. 8 Mirra Andreeva leh seeded no. 18 Sorana Cîrstea te an inkhel ang a, an zawhah seeded no. 7 Elina Svitolina leh seeded no. 15 Marta Kostyuk te an khel zui ang.

Andreeva hian tun inelnaah set khat chauh a la hloh a, chutihrualin player ṭha a la hmachhawn lo. A hmachhawn zingah seeded no. 27 Marie Bouzkova (6-4, 6-2) a langsar ber a, a bak pathum Fiona Ferro (6-3, 6-3), Marina Bassols Ribera (3-6, 6-1, 6-1) leh Jil Teichmann (6-3, 6-2) te chu seeded nei pha lo vek an ni.

Sorana Cîrstea pawhin seeded player pakhatmah a la hmachhawn lo a, quarterfinal lut turin Ksenia Efremova (6-3, 6-1), Eva Lys (6-3, 6-0), Solana Sierra (6-0, 6-0) leh Wang Xiyu (6-3, 7-6 (7-4)) te a hneh a ni.

Elina Svitolina-i'n fourth round-ah seeded no. 11 Belinda Bencic (4-6, 6-4, 6-0) in an hneh a, chutihrualin a khingpui tur Marta Kostyuk hian seeded no. 3 Iga Swiatek a hneh thung. Swiatek hi vawi li champion tawh a ni a, Kostyuk hian inrintawkna a ngah phah khawp ang.

Hemichhe inelnaa hian champion tawh Gauff, Swiatek, Barbora Krejcíkova leh Jeļena Ostapenko te an tlak vek tawh avangin champion thar an awm dawn.