Paris-ah PSG-in European champion an lawm

Paris Saint Germain-in Pathianni khan Budapest aṭangin Champions League champion nomawi nen Paris an thleng a, Eiffel Tower kawtah champion lawmna an nei nghal.

Luis Enrique kaihhruai PSG hian a vawi khat nan Europe-ah nikum khan an champion a, kuminah nomawi huhimin final-ah Arsenal an hneh. Champs-Elysees-ah hian mipui nuai khat chuang an pungkhawm.

PSG midfielder Khvicha Kvaratskhelia chu Champions League 2025/26 player of the season atan thlan a ni a, Georgian star hian match 16-ah goal 10 khungin assist vawi ruk a nei a, final-ah penalty a hlawh chhuak bawk.

Season liam ta khan Ousmane Dembélé-a'n player of the season chawimawina hi a dawng a, French forward hian Ballon d'Or a dawng zui. Kuminah erawh FIFA World Cup a awm dawn avangin Ballon d'Or dawng tur rin thiam a la har hle.