Russell hma lam pan tura duhtu Wolff

Mercedes team principal Toto Wolff chuan an driver, George Russell chu Canadian Grand Prix-a a chetsualna chu theihngilh turin a duh a, intlansiak lo awm leh tur atan a rilru pe turin a duh.

May 24, Pathianni zana Canadian GP neih zawh takah khan Russell-a'n bul a ṭan ṭha a, a teammate Andrea Kimi Antonelli nen hma an inhruai chhawk zak zak. Mahse lap 30-naah Russell-a car-ah thil fel lo a awm a, a tlan chhunzawm theih loh avangin position a nei lo. Russell hian hma a hruai lai tak a ni a, a teammate Antonelli chu a zawna a vawi li nan a chak.

Wolff chuan, "Russell nen nitin kan inbia a, beidawng lo turin ka hrilh nasa hle. Inelna 17 zet a la awm dawn a, point tam tak hlawhchhuah theihna a ni. Chuvangin Canadian GP-a a vanduaina kha theihnghilh se, inelna dang a la hmachhawn turah a rilru pe se kan duh a, chu chu a tih ngei pawh kan ring," a ti.

Russell hian tun season bul a ṭan chhe lo a, Australian Gp-ah pakhatna a ni nghal. Mahse Russell-a'n beisei a pha lo chhunzawm a, Chinese Gp-ah pahnihna ni mah se a zawnin vawi thum podium a lawn pha tawh lo. A teammate Antonelli erawh a chet ṭhat zel avangin table-a an inthlauhna pawh a zau tawh.

Mercedes-a Russell-a dinhmuna nghin phah a, a thlak nan Max Verstappen hming a ri ring hle. British driver Russell hi a chet ṭhat chhunzawm loh chuan Mercedes-ah a châm reng a rinawm loh.