Saudi squad-ah Roma defender Abdulhamid

Saudi Arabia World Cup squad-ah Italian club AS Roma defender Saud Abdulhamid a tel a, Saudi squad-ah amah chiah hi ram pawna inkhel awmchhun a ni.

Kum 26 mi Abdulhamid hi tun season hman zawh takah khan Ligue 1-ah RC Lens tan loan-in a khel a, league-ah pahnihna nihpuiin Paris St-Germain chiah an tluk lo a, French Cup-ah a champion pui bawk.

Group H-ah Saudi hi awmin Uruguay, Cape Verde leh Spain te nen an awm ho a, World Cup champion tawh pahnih an awmpui avangin knockout round luh a awlsam dawn lo. June 16 hian an match hmasa ber atan Uruguay an hmachhawn dawn.

Saudi hi Asia team ṭha ni mah se, khawvel huapin an ruh a la no deuh. Mahse World Cup hnuhnung berah khan an match hmasa berah champion team, Argentina an hneh thei an ni a, an ram league-ah player langsar tak tak an seng luh bawk avangin hma an sawn a, zuam chi an ni dawn lo.