Thunder-in Holmgren chhuahtir mai thei

Oklahoma City Thunder chuan an player pawimawh Chet Holmgren chu, Memphis Grizzlies nen season thara draft pick no.3 nen an inthleng dawn niin khawthlang chanchinbuten an sawi a, Thunder-ah Holmgren a dinhmun a chiang lo.

Thunder hian tun season an hmang ṭha a, Inrinni zan khan Western Conference Finals game 7-ah San Antonio Spurs an hneh lo a, kum zawna champion nih an tumna chu a hlawhtling dawn lo. Inkhelh banah Victor Wembanyama leh Spurs an lansarh rualin, Holmgren chanchinin ngaihven a hlawh.

Pathianni zing khan OKC coach Mark Daigneault chuan Holmgren chungchang sawiin, "Eng team pawh tum ila, kan zinga Holmgren a tel chhung chu chak rinkai zawk kan ni," a ti a, an team chu Holmgren nen an ṭhat thu a sawi ve thung.

He player inthlengna hi a thleng a nih chuan OKC tan thil lian tham tak a ni dawn a, Holmgren aia an player lakte an chet ṭhat tawk loh chuan season tawpah an sum dinhmun a nghing thei dawn. Hetihlai hian Grizzlies tan erawh team chak zawk din nana hmalakna ṭha tak a ni thei thung.