Poch-a'n Alli lakluh a tum

Paris Saint-Germain manager thar Mauricio Pochettino-a'n a duh anga khel thei player a melh mek a, chung zingah chuan Tottenham lama a kaihhruai tawh Dele Alli hming a ri ring hle.

Jose Mourinho enkawlna hnuaiah Alli hian Spurs tan a khel phak meuh lo. English midfielder hi Poch-a'n a enkawl lai khan ṭha takin a lo khel chhuak tawh ṭhin - Paris khawpui a pan a nih pawhin khelhna hmun a chan a rinawm.

Khawthlang media lamin an tarlan dan chuan kum 24 mi Alli hian North London club chhuahsan a duh, club lian ṭhenkhat chaun lakluh an duh ve bawk. Mahse amah hrechiangtu Poch hnen pan a hreh lo niin an sawi bawk.

PSG hian Ligue 1 nomawi an kawl lai chu an humhim theih mai a rinawm. Chutihrualin an duh ber Champions League la tur erawh chuan hmasawn an la ngai a, hliam leh hri leng vanga player chawr theih loh an neih fo avangin squad tih chhah a ngai hle.

Trophee des Champions title la hlim PSG hian zanin dar 1:30 hian Ligue 1 match khel turin Angers an lenchilh ang.