Leclerc-a'n hri leng a kai

Formula 1 Ferrari driver Charles Leclerc chuan twitter kaltlangin Covid-19 a kai tih a puang a, a dinhmun erawh ngaihtuahawm a ni lo tih a sawi lang tel nghal bawk.

Kum 23 mi Leclerc chuan, "Monaco-ah ka awm mek a, kan sorkar thuenitu lamin ruahmanna an siam angin ka inkhunghrang ang. Ngaihtuahawm ka ni lo a, natna pawh ka nei hran lo," a ti.

Tun thlatir lam khan McLaren driver Lando Norris pawh Dubai lama chawlh a hmannaah hri an kai tih hmuhchhuah a lo ni tawh bawk.

Formula 1 season thar hi March thlaa ṭan tura tih a ni a, mahse intlansiak hmasa ber tur Australian Grand Pirx chu a huna neih theih a ni dawn lo, hri leng vangin an sawn tlai dawn a ni.