Burnley-ah Barton a kir dawn

Scottish Premiership club Rangers-in an chhuah zalen hnua club nei loa a awm reng hnuah Joey Barton chuan Premier League club Burnley a zawm hnai a, Clarets (Burnley sawina) squad zingah training a nei mek.

Kum 34-a upa mid-fiel-der hian season hmasa khan Burnley tan a khel a, Championship-ah nomawi chawi puiin Premier League a inhlan kaipui. Barton hi Burnley player of the year-ah hial thlan niin Championship Team of the year-ah lang phak mah se Barton-a'n Premier League khelh aiin Scotland pan a thlang a, Rangers tan kum khat daih contract a ziak.

Manchester City midfielder hlui hian Scottish club tan match sarih chiah a khel hman tihin training-naah a team mate nen an inti buai a, hei vang hian Rangers nen inhriatthiam tawnnain a contract an titawp a ni. Scottish Football Association chuan Barton hi pawisa inchawina lama sum a lo dah kham avangin match khat khel thei lo turin an hrem mek bawk a, Scottish FA leh English FA ten inremna an lo neih tawh angin English midfielder hian hrem a nihna hi Premier League-ah pawh a chhawm ang.