Lazio ngamtu Inter Milan

Nilaini zan Serie A inkhelah Inter Milan chuan Mauro Icardi goal hnih bakah Ever Banega goal khat hmangin an mikhual Lazio 3-0 in an sawp.

San Siro-a inkhelah Sevilla playmaker hlui Banega-a'n minute 54-naah goal hmahruai a khung a, captain Icardi hian minute 56 leh 65-ah a khung zui bawk. Inter hian match 18 an khelh tawhah point 30 an hmu a, league table-ah pasa-rihnaah an invawrh chho.

Inter captain Icardi hian a lehkhabuah an fan-te lawm loh zawng a ziah avangin sawisel a hlawh a, an mahni khelmulah ngei pawh lawm a hlawh lo. Mahse, Argentina international hi sawiselna vangin a zam lo a, goal hmangin an lawmna a siam leh ta. San Siro-a a league match hnuhnung pangaah goal hnih a khung tling ziah.

Inter hian kum 2015 November thla hnua a vawi khat nan a zawnin league match thum chhung goal an chhuah lo ta a, kum 2011 May thla hnua a vawi khat nan an khelmualah a zawnin match nga chhung hnehna an chang ta bawk.