Del Potro dinhmun a chiang lo

Juan Martin del Potro chuan season thar thlirlawkin champion nomawi chawi tur chuan a taksa hrilselna a pawimawh thu a sawi chuak.

Argentine tlangval hi nikum khan a banrek zai a nih hnuah a lo kir. Grand Slam vawi khat champion tawh hi Rio Olympic-ah final a lut a, tunhma lama a lo hlawhtlin tawhna US Open-ah quarterfinal a lut bawk. Heng bakah hian an ram chu Davis Cup champion nomawi a chawipui bawk.

Kum 28-a upa del Potro chuan, "Ka tana pawi--mawh ber chu hun rei tak tennis ka khelh theihna tur a ka hri-selna vawnhim hi a ni. Australia Open khelh ngei ka duh a, chutihrualin tun dinhmunah chuan thutlukna ka la siam fel thei lo. A tam thei ang ber inkhelh duh mah ila ka duh dan zawng zawngin a kal theih vek lo a, chumi chu ka pawm thiam ve pawh a ṭul," tiin a sawi.

Kum 2009 US Open champion Del Potro hi player beiseiawm leh
ṭha tak tura ngaih a ni a, mahse hliam vangin beisei a phak lo. A banrek vawi thum ngawt zai a ni tawh a, world number 4 hial ni hman tawh mah se kum hnih deuhthaw a inkhelh theih loh vangin a tla hniam hman hle a, tun dinhmunah hian world number 38 a ni.