Armenian player ṭha ber Mkhitaryan

Manchester United midfielder Henrikh Mkhitaryan chu a vawi sarih nan Armenian Player of the Year atan thlan a ni a, he chawimawina hi a zawna vawi ruk a dawnna a ni bawk.

Kum 27-a upa Mkhitaryan hian vote hmuh theih 250 aṭangin vote 245 a hmu a, amah chuh buai phak an awm lo chiang hle. Maritimo midfielder Gevorg Ghazaryan chu pahnihna niin Al-Fujeira midfielder Marcos Pizelli chu pathumna a ni thung.

Armenian player piang tawh zinga ṭha bera ngaih Mkhitaryan hian Shakhtar Donetsk tana a khelh lai (2011, 2012) khan he lawmman hi a lo dawng tawh a, Borussia Dortmund-a a khelh lai (2013, 2014, 2015) khan dawn chhun zawmin Premier League-a a insawn hnuah pawh a dawn chhunzawm ta zel a ni.

United tan match 12 a khelh aṭanga goal hnih khungtu Mkhitaryan chuan, "Armenian Player of the Year award vawi sarih ka dawng thei hi ka lawm. Armenian FA bakah ka club khelhna leh fan-te chungah lawmthu ka sawi. Football tan hian ka nun ka hlan a, Manchester United leh Armenia tan hian mellung pawimawh phun leh hnuhma ṭha zawk hnutchhiah theih zel ka duh," tiin a sawi.