Semifinal-ah India chak zo lo

4th Women's U18 Asia Cup khelh mekah India chu semifinal-ah Japan hneh loin an tla. Nilaini tlai inkhelah India hian Mizo tleirawl duhawm Laremsiami hmangin minute ngana lekah goal hmahruai an khung a, final beiseina an nei sang hle.

Japan-in theihtawp an chhuah zui a, hun tawp dawnah Tamura Ayana chun hun tawp dawnah an siphurh sutna goal a khung. Penalty hmanga chak zawk zawn niin India hi 5-3 in an tlawm.

Kumin Women's U18 Asia Cup-ah hian Kolasib tleirawl Siami a khel ṭha thei hle a, group match-a China an hneh ṭumin goal hnih a khung bakah Malaysia an hneh ṭumin goal khat a khung bawk.