Saina leh Srikanth zinkawng a tawp

Yonex Thailand Open Super 1000 khelh laiah Saina Nehwal chu second round paltlang zo loin a tla. India tlangval Kidambi Srikanth chu hliam tenau vangin a inhnukdawk bawk.

Saina hi coronavirus kai vanga khel thei lo tura tih a ni hman a, mahse endik a nih leh hnuah filhlim leh siin first round a paltlang. Ningani khan a match hnihna khel zui lehin tualchhung nula Busanan Ongbamrungphan lakah 23-21, 14-21, 16-21 in a chak lo.

Mipa singles lamah Srikanth chu Lee Zii nena inkhel tur ni mah se a inhnukdawk a, Malaysian tlangval hi inkhelh hah ngai loin third round a luh theih phah a ni.

World number 1 hlui Srikanth chuan, "Ka chawn tihrawl a na a, ka inkhel zui theih loh tur thu sawi hi hrehawm ka ti hle. Tunkar chhunga dam hman ngei ka beisei a, karleh lamah chuan tournament dang ka khelh theih ka ring," a ti.