Aizawl FC an sang zel dawn?

Mizoram Premier League Season 8-ah Aizawl FC-in hneh loh an la tawng lo a, vawi thum champion tawh I League club hian vawiin tlai dar 4:00 hian Chawnpui FC an hmachhawn dawn.

Standly Rosario hnuaiah Aizawl FC an hmuhnawm ṭhin hle. A bik takin tun hnaiah Thingsulthliah tlangval Isak Vanlalruatfela a hmuhnawm ṭhin a, goal nawr kawngah Rochharzela leh F. Lalremsanga te an pawimawh bawk.

Tun season-a I League club ṭhat bikna tak erawh tlarhnung a ni a, foreigner Juuko Richard Kassaga hoin tlarhnung a phui ṭha hle. Aizawl FC hian match riat an khelh tawhah vawi ruk an clean sheet a, goal thum chiah an la chhuah.

Chawnpui FC erawh an tlarhnung a phui lo a, goal 19 tehmeuh an chhuah tawh avangin Aizawl FC lakah insiamṭhat an mamawh hle. HC Zarzoliana hote hian Aizawl FC hi 2-0 in an hneh tawh lo a, tun ṭumah hian point khat hmu tura tlarhnung an inrem phui a ṭul dawn a ni.