Aizawlah India Under 15 coach

Mizoram Under 15 League inkhel en turin All India Football Federation Under 15 coach Bibiano Fernandes leh assistant coach Kanan Priolkar te chu nimin November 1 khan Aizawl an lo thleng.

India sub junior team enkawltute hian vawiin hian Mizoram Under 15 League an en ang a, player ṭha an hmu a nih chuan India team zawm turin an la ang. Bibiano hi tunlai Indian coach hlawhtling ber pawla ngaih a ni a, kum 2017 leh 2019-ah SAFF Under 15 C'ship-ah India a champion pui a, kum 2018-ah India Under 16 team chu AFC U-16 Championship quarterfinal a hruai thleng a, tunah hian AFC Under 16 Championship khel turin India Under 16 team chu a qualify pui leh tawh a ni.