Monaco chakna Falcao

Radamel Falcao-a'n kum li hnua a vawi khat nan hat trick a siam ve leh ta. Colombia international hian Inrinni zana AS Monaco-in Bordeaux 4-0 a an sawpna inkhelah goal thum a khung.

Monaco hian ṭan a-ṭang-a minute hnihna lekah Djibril Sidibe hmangin goal hmahruai an khung. Manchester United leh Chelsea tan pawha khel tawh Falcao hian minute 2, 50 leh 63-naah goal khung zuiin harsatna nei loin hnehna an chang.

Kum 30-a upa Falcao hi Europe-a striker hriam berte zinga mi a ni ṭhin a, 2014 World Cup hma deuh khan a khupah hliam tuarin hemi hnuah beisei a phak ta lo. Hattrick a siam hnuhnung ber chu Spa-nish club Atletico Ma-drid tana a khelh lai kum 2012 daih tawh kha a ni.

Monaco hian tun sea-son league match 17 khelh tawh aṭangin goal 53 zet an khung ta a, kum 1959-a RC Paris record lo siam tawh match hmasa 17 aṭanga goal 55 khung tih lohah chuan French Ligue 1 a goal khung hnem ber an ni.