MLS Cup champion Sounders

Seattle Sounders chuan an club chanchina a vawi khat nan MLS Cup nomawi an chawi a, hun pangngaia goal khung loa an inhnehtawk hnuah Toronto FC chu 5-4 in penalty-ah an hneh.

BMO Field, Toron-to-a inkhela player lang-sar ber chu Sounders keeper Stefan Frei a ni. Toronto keeper hlui hian a club hlui penalty pet vawi khat a dan bakah hun pangngaiah a team a chhanhim ngun hle a, minute 108-naa Sunderland striker hlui Jozy Altidore ball tauh a lo dan chu keeper naran tan tih chi a ni lo.

Sounders manager Brian Schmetzer chuan, "Goal kha lut tur ang maiin a awm hman a, mah se thawklehkhatah kha save ropui kha a rawn lang ta thut a ni. Kha chauh a ni lo a, vawi tam goal tura ka ngaih ngei kha a dang ṭhin a ni," tiin team pahnih danglamna chu Frei a nih thu a sawi.

Toronto boss Greg Vanney pawhin an khingpui keeper fakin, "Game liana save ka hmuh ropui ber zinga mi a ni a, kha save ropui ka hmuh khan kei chuan game kha a tawp tawhah ka ngai. Goal kha khung ngat ila chu kan chak ngei ang," tiin a sawi ve bawk.