Tlangnuam sawptu Chhinga Veng

Mahuma Memorial Cricket Tournament khelh mekah Inrinni khan Chhinga Veng chuan run 115-in Tlangnuam an sawp. Chhinga Veng hian over 40-ah run 213 siamin wicket riat an hloh a, run 45 siamtu Abhay Joshi leh ball 44-a hmachhawna run 37 vaw chhuak thei Lalruatdika te chu player langsar an ni.

Tlangnuamin tar-get hautak an nei tih inhria-in Andrew Lalhma-chhuan-a'n (35 runs) leh a opening partner Jeremy Lalhruaitluanga (22 runs) ten bul ṭan ṭha hle mah se batsman pahnih an out hnuah Lalmuanpuia (25 runs) bak Tlangnuam pla-yers zingah run 10 vaw kai thei an awm lo a, over 24.3-ah run 98 chiah tlina an vaia out vekin Chhinga Veng lakah an mualpho ta a ni.

Chhinga Veng bowler zingah over 7.5-a run 27 chiah pe chunga wicket ruk latu Lalruatdika a che ṭha takzet a, over riat a vawma run 11 chiah pea wicket li latu Lalnuntluanga'n a thlawp ṭha takzet bawk. Vawiin chawhma dar 9:15 hian Luangmual leh Zarkawt Lords an inhma-chhawn ve leh ang.