LeBron James ropui zual zel

Cleveland Cavaliers thiam-puipa LeBron James chuan Inrinni zing NBA regular season inkhelah point 27 score-in Miami Heat lakah 114-84 in a team hnehna a chanpui.

MVP vawi li ni tawh James hian mel-lung pawimawh a phun leh ta a, Heat lakah hian rebound leh assists vawi riat ve ve a nei bawk. NBA chanchinah 27,000 points, 7,000 rebounds leh 7,000 assists nei tling thei hmasa ber a ni.

NBA champion Cavs hian nimin zing khan Charlotte Hornets chu hmachhawn lehnghalin 116-105 in hnehna an chang leh a, tun season-ah vawi 17 hnehna an channa niin vawi nga an chak lo tawh thung.