I League-ah Churchill an kir

Goan club lian Dem-po SC-in season thara I League an khelh loh tur thu an puan hnu lawkah All India Football Federation (AIFF) chuan emergency meeting an ko a, season thar atan I League nomawi vawi hnih lo chawi tawh Churchill Brothers chu I League khel turin an ko kir!

Hei bakah hian Chennai City FC leh Minerva FC-te pawh I League khel tura 'thlan' an ni - Aizawl FC tla tawh pawh an dah lut leh bawk a, team 10 an ni ta.

Van-lal-rova, Robert Lalthla-muana leh Lalrinfela-te an lo khelh tawh ṭhinna Churchill Brothers hi 2014 khan AIFF chuan I League club ni tura dan leh hrai te zawm kim loah ngaiin Mohammedan Sporting, Rangdajied United leh United SC te nen an lo paih chhuak tawh.

AIFF chuan thu-chhuah siam nghalin, "High Court chuan AIFF hnenah Churchill Brothers dinhmun hi ngaihtuah ṭhat sak turin thu a pe a, tun hnaia he club kalphung leh dik taka ke pen tura an kal dan te ngaihtuahin AIFF chuan season thar atan I League-ah lawmluh leh mai nise tiin thutlukna a siam ta a ni," an ti.

Hetihlai hian nimina AIFF Bid Evaluation Com-mittee ṭhukhawm chuan I League khel tura Neroca FC, Minerva Pun-jab FC, Sudeva FC, FC Bardez Goa leh Chennai City FC ten dilna an theh-luh thlirin Chennai City leh Minerva chu season thara I League khel turin a thlang.

AIFF general secre-tary Kushal Das chuan, "AIFF aiawhin Chennai City FC & Minerva Pun-jab FC te hi I-League chhung-kuaah ka lawm lut a, I League inelna sang tak kan hmuh theih ka besei. I League-ah club 10 kan nei dawn a, Chennai leh Punjab-a team thar kan neih avangin I League-in ngaihventu a ngah lehzual phah dawn a ni," tiin a sawi.