Hodgson-a'n chawlh a la tum lo

England boss hlui Roy Hodgson chuan manager ṭha zawk ni tura coaching lama a lo kir leh theih a inbeisei thu a sawi chhuak. English manager hian Euro 2016 last 16-a Iceland an hneh loh hnu lawkah England manager a nihna aṭangin banna a thehlut a ni.

Kum 40 chhung coaching tawnhriat lo nei tawh Hodgson chuan, "Football hi ka thisenah a bet tlat a, ka nunah hian a tel tlat a ni. Football nena inkungkaihna neih reng ka duh a, sawmna ka hmu a, ka tana ṭha tur nia ka hriat chuan lungawi takin ka thawk ang," tiin amah sawmtu an awm chuan a hnar mai loh tur thu a sawi.

Liverpool boss hlui chuan sawi chhunzawmin, "Football lama ka hun tam zawk ka hman loh chuan ka nun hi kim lo riauin ka hria a ni," tiin nitin training neih te chu nuam a tih thu a sawi a, manager ni leh turin a inpeih hle.

Kum 69-a upa mana-ger hian Fabio Capello thlakin England kha kum li chhung a enkawl a, major tourna-ment-ah match 11 kai-hruaiin match thumah chiah hnehna a chanpui thei. Qualifying leh friendly match chhiar tel erawh chuan match 56-a enkawlah vawi 33 hnehna a chanpui thung.