Arsenal an sang tual tual

Arsene Wenger-a hoten ni riat chhungin match thum an khel a, goal 12 khungin an chak vek. Champions League group hmahruaitu an nih hnuah Arsenal chuan Inrinni zan khan Premier League match khel zuiin Stoke City 3-1 in an sawp.

Arsenal-in goal khat an phurh zet hnuah Theo Walcott, Mesut Ozil leh Alex Iwobi te goal khat ṭheuh hmangin an chhang let a, league hmahruaitu an ni - nizan Chelsea inkhel result a zirin an dinhmun hi a la danglam thei thung. French mana-ger Wenger chuan, "Kan leng delh delh..." tiin tunlai an club boruak nawm zia a sawi chhuak.

Emirates Stadium-a inkhelah Granit Xhaka leh Joe Allen te 50-50 ball-ah Gunners-in penalty an chawi! Swiss international hian Allen hi a nghawk niin a lang. Stoke tan captain Charlie Adam chuan a kum 35 tlin champhaah goal khung nan a hmang.

Malpui na vangin Gunners defender Shko-dran Mustafi lakchhuah a ngai a, damkawr right back Hector Bellerin rawn lutin Gabriel Pau-lista chu a laiah a lut. Spain international ball cross hi Theo Walcott-a'n an siphurh sut nan a hmang. Walcott hian club tan goal 100 a khung ta, Southamton tan goal nga a khung bakah Gunners tana a goal 95-na a ni bawk.

Second half ṭan-tir-ah Alex Oxlade Chamberlain-a chip chu Ozil tan mawi zeta Stoke goalkeeper Lee Grant tauh khumin Gunners hma a hruai pui. Germany international Ozil hian tun season-ah goal kua a khung ta am Gunners goal hnuhnung ber hi Alex Sanchez a thawh rah sengtu substitute Iwobi khung a ni.

Arsenal manager Wenger chuan, "Ka hmuh dan chuan penalty a ni lo, chutih rualin chawlhlawk hmaa kan si phurh kan sut thei khan inkhelh a ti awlsam. A chang chuan kan khelh dan phung anga khel chhuak tur chuan kan ngah ve deuh hi a ngai ṭhin," a ti. Match referee Lee Mason-a'n Xhaka kha penalty chawitir mah se yellow card a pe lo thung.

Wenger chuan a de-fender inhliam chung-chang sawi chhunzawmin, "A rei lo berah ni 21 chhung tal a chawlh a ngai ang," a ti. Kum 24-a upa Mustafi hian Everton, Manchester City leh West Brom a hmachhawn thei dawn lo.

Stoke boss Mark Hughes chuan, "Kum dang nena khaikhin chuan kan tichhe lo, goal khung theihna hun ṭha vawi sarih vel kan nei theih a, hmasawnna hmuh tur a awm avangin a lawmawm," a ti.

Arsenal hian Stoke an mikhual hnuhnung vawi 15-ah hnehna an chang vek a, goal 42 khungin an lamah goal riat chiah a lut thung a ni.