Semifinal-ah Tuipui tlangval 2

Senior Men National Boxing Championship-ah nimin khan Tuipui boxer pahnih John Kenty H.C. Vanhlimpuia leh Laldinmawia ten semifinal an lut.

Guwahati, Assam-a inelna neih mekah Tuipui tlangval John Kenty H.C. Vanhlimpuia'n nimin khan Haryana boxer Aditya Mann hnehin a sang pali zingah a inhlang kai. John Kenty hi LPS Pro Fight-a category pahniha champion thei hmasa ber a ni.

52 kg-ah Dinmawia'n semifinal lut turin Himachal Pradesh boxer Rahul a hneh a, Tuipui tlangval hi LPS Pro Fight-ah a champion tawh a, boxing thiam vangin Navy-ah a ṭang mek.

Mizoram aiawha feh chhuak zingah Siaha tlangval NT Lalbiakkima (49kg), Chhinga Veng tlangval Andy Chuaua (69kg) leh Sawleng tlangval Zarzoliana (81kg) te quarterfinal-ah an tla. Biakkima leh Zotea te chak loh danah Mizoram team enkawltute an lungawi lo a, inkhelh zawhah complaint thehlutin thutlukna kan hre hman lo.

Mizoram aiawh zingah Dinthar tlangval Zonuntluanga (56 kg) chu first round-ah tla a nghal a, Khatla tlangval Lalmuanpuia'n (64 kg) second round a paltlang zo lo bawk.