Neymar tan Barca player an inpe

Barcelona defender Gerard Pique chuan nipui transfer lai khan Neymar an lak let theihna a nih phawt chuan player-ten an hlawh lak tlai an pawiti lo niin a sawi!

Neymar hian 2017 khan khawvela footballer manto ber ni turin Paris St-Germain chu pound maktaduai 200-in a zawm a, mahse French club-ah a hlim loh avangin nipui lai khan Barca-ah kir a tum a ni. Pique chuan, "Financial Fair Play rules-ah club-in harsatna a tawh loh nan kan hlawh lak tlai thlengin kan inhuam a, chu chu club hnenah pawh kan hriattir a ni," a ti!

Barca hian nipui transfer lai khan player lei nan pound maktaduai 200 chuang an seng a, midfielder Frenkie de Jong leh Antoine Griezmann chu an lakluh langsar an ni - Neymar lak an tumna erawh an hlawhtling ta lo.