Ram tan Messi koh theih a ni leh ta
Lionel Messi chuan international match atana hrem a nihna a hmang zo a, an elpui Brazil leh Uruguay te nen November thla chhunga friendly match an khelh tur atan squad-ah telh a ni.
Barcelona captain Messi hi an ram leh Chile ten July thlaa an khelh Copa America pathumna zawnnaah hnawhchhuah a ni a, red card an pek vanga hrem a nih bakah South American Football Confederation a sawisel avangin hremna pek a ni tel bawk.
Hrem a nih vangin kum 32 mi Messi hi tun hnai an match hnuhnung paliah a inlan thei lo, tunah squad-ah telh ni mah se friendly match a nih avangin a inlan dawn ngei em tih erawh a chiang lo. World champion vawi hnih ni tawh Argentina hian November 15-ah Brazil an hmachhawn dawn a, November 15 hian Uruguay nen an inhmachhawn leh bawk ang.
Argentina Squad:
Goalkeepers: Agustin Marchesin, Juan Musso, Emiliano Martinez, Esteban Andrada.
Defenders: Juan Foyth , Renzo Saravia, Nicolas Otamendi, German Pezzella, Marcos Rojo, Walter Kannemann, Nicolas Taglafico, Nehuen Perez, Guido Rodriguez.
Midfielders: Giovani lo Celso, Leandro Paredes, Nicolas Dominguez, Rodrigo de Paul, Marcos Acuna, Roberto Pereyra, Lucas Ocampos.
Forwards: Lionel Messi, Sergio Aguero, Nicolas Gonzalez, Lucas Alario, Lautaro Martinez, Paulo Dybala.