Europa League draw Pogba vs Pogba

Europa League Last 32-a intum tur chu nimin khan UEFA hmunpui Nyon-ah pawh a ni a, English club la dam pahnih Manchester United leh Tottenham Hotspurs hmachhawn tur a harsa lo.

Jose Mourinho hote hian Ligue 1-a pariatna dinhmun hauh mek Saint-Etienne an hmachhawn dawn a, French club hi United midfielder Paul Pogba unaupa Florentin-a khelhna a ni. Club pahnih hi 1977–78 European Cup Winners' Cup first round-ah an inhmachhawn tawh a, Old Trafford-ah an inhnehtawk hnuin Plymouth's Home Park-ah Stuart Pearson leh Steve Coppell te goal hmangin United an chak. English winger Coppell hi tuna ISL club Kerala Blasters coach a ni.

Tottenham-in Gent an hmachhawn dawn a, Belgium club hi Belgian Pro League-ah pahnihna an ni mek. Spurs hian Belgian club hrim hrim hi vawi riat an hmachhawn tawh a, an mualah chak loh an la nei lo. English club hi an mualah vawi thum an chak a, vawi khat an draw. Amaherawhchu khualmualah erawh chak an nei lo a, vawi hnih an khingpuite hnehtawkin vawi hnih an chak lo.

Europa League first leg hi Ferbuary 16-ah khelh a ni dawn a, February 23-ah second leg khelh a ni dawn. Final hi Stockholm's Friends Arena-ah May 24 khian khelh a ni ang.

Last 32 Fixtures

Athletic Bilbao Vs Apoel

Legia Warsaw Vs Ajax

Anderlecht Vs Zenit St Petersburgh

Astra Vs Genk

Manchester Utd Vs Saint-Etienne

Villarreal Vs Roma

Ludogorets Vs Copenhagen

Celta Vigo Vs Shakhtar Donetsk

Olympiakos Vs Osmanlispor

Gent Vs Tottenham

Rostov Vs Sparta Prague

Krasnador Vs Fernerbahce

Borussia M'gladbach Vs Fiorentina

AZ Alkmaar Vs Lyon

Hapoel Beer-Sheva Vs Besiktas

PAOK Vs Schalke