Austin a chawl rei dawn

Southampton coach Claude Puel chuan a striker Charlie Austin chu dar hliam vangin thla ruk vel tal a chawlh a ngaih tur thu a sawi. English striker hian Hapel Be'er Sheva nen Europa League-a 1-1 a an inhnehtawk ṭumin a darah hliam a tuar a, Pathianni zana Middlesbrough 1-0 a an hnehna inkhelah pawh a inlan thei lo.

French manager chuan, "Charile inhliam hi zai ngei a ngai dawn a, chumi awmzia chu thla thum emaw thla li tal chu a chawlh hahdam a ngai dawn tihna a ni. He team tan hian goal tam tak a khung avangin a tel loa khelh a harsa dawn a, player dangin he mawhphurhna hi an lak a ngai dawn tihna a ni. Ka player zawng zawng ten Charlie tel loa chona hmachhawn an zir a ṭul a ni," tiin a player te a fuih nghal.

Kum 27-a upa striker hian January transfer lai khan pound maktaduai li bawr velin Saints a zawm a, tun season-ah league match 13 khelin goal ruk a khung a, inelna hrang hrangah match 16 khela goal kua khung bawkin Saints tan player pawimawh a ni.