Rajputan Rifles-in semifinal lut

Nimin khan Hawla Indoor Stadium, Republic Vengtlangah Governors' Cup 2016 league round khelh chhunzawm leh a ni a, Rajputan Rifles chuan Tuikual South lakah 84-67 a hnehna changin semifinal lut hmasa ber an ni.

Sipai team Rajputan hi inkhel bul-
ṭan aṭangin an chungnung zawk nghal a, quarter hmasa pathumah point an hmu sang zawk vek. Mizoram Super League 2 finalist Tuikual South hi quarter hnuhnung berah 22-14 in sang zawk mah se inkhelh pumpuia an inthlauhna chu point 18 lai a ni.

Rajputan Rifles hian an match hmasa zawkah Mission Veng Vikings chu 100-66 in an lo sawp tawh bawk a, semifinal-ah Pool B lama pahnihna an hmachhawn zui leh ang.

Nimin tlai inkhel hnuhnung zawkah Zarkawt Serpents leh Rajput Rejiment te an inhmachhawn a, tualchhung team hian 91-47 in hnenna an chang.

Nizan khan league match khelh zawh tur niin Pool B lamah Khatla TBL leh Assam Rifles inkhel leh Mission Veng Vikings leh Assam Regiment te inhma^-chhawn pahnih result kan hre hman lo - vawi-in hian semifinal khelh zui nghal tur a ni.